Անսպասելի փաստը հայտնաբերել են «Գահերի խաղի» հնդիկ երկրպագուները։ Պարզվում է՝ հայտնի սերիալի ամենաէպիկական պահերից մեկը վերցվել է հնդկական հեռուստատեսային սերիալից, որը պատմում է Ալադինի արկածների մասին, հայտնում է «Esquire» ամսագիրը։
«Գահերի խաղի» ութերորդ եթերաշրջանի երրորդ սերիայում Արյա Սթարկը սպանում է սպիտակ քայլողների բանակի առաջնորդին՝ Գիշերվա թագավորին։
Հերոսուհին նրա վրա հարձակվում է՝ դաշույնը ձեռքին, սակայն վերջինս բռնում է նրա պարանոցից։ Շնչակտուր լինելով՝ Արյան գցում է զենքը և մյուս ձեռքով այն մտցնում չարագործի որովայնը՝ այդ կերպ փրկելով բոլորին։ Instagram-ի Jitha Lel օգտատերը հատված է հրապարակել հնդկական շոուից, որը գրեթե նույնությամբ կրկնում է այդ պահը։
Նշվում է, որ Ալադինի մասին շոուի սերիան թողարկվել է 2018թ.-ի կեսերին։ «Գահերի խաղի» եզրափակիչ էպիզոդի նկարահանումներն անց են կացվել մոտավորապես նույն ժամանակ։
Ավելի վաղ համացանցում զվարճալի տեսանյութ էր հայտնվել, որում «Գահերի խաղի» գլխավոր հերոսներից մեկը՝ Ջոն Սնոուն, ներողություն էր խնդրել սերիալի ութերորդ եթերաշրջանի համար։