Այսօր՝ հունիսի 24-ին, հրավիրվել է Ազգային ժողովի արտահերթ նիստ: Այժմ քննարկվում է Քրեակատարողական օրենսգրքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:
«Իմ քայլը» խմբակցության պատգամավոր Սուրեն Գրիգորյանը, դիմելով «Լուսավոր Հայաստանին», ասաց. «Ի՞նչ եք կարծում՝ մեր ունկնդիրները չե՞ն տարբերում իրարից մի իրավիճակ, երբ մենք ասում ենք՝ մեզ մի քննադատեք, մեկ այլ իրավիճակից, երբ ասում ենք՝ քննադատեք, բայց դա արեք կոռեկտ»:
Դիմելով «Լուսավոր Հայաստան» խմբակցության պատգամավոր Անի Սամսոնյանին՝ նա ասաց. «Եթե ձեր նկատմամբ այդ եզրույթը չի կարելի օգտագործել, ինչո՞ւ է կարելի օգտագործել քաղավիացիայի պետի նկատմամբ: Որտեղի՞ց է գալիս այս երկակի ստանդարտը: Սրանից հետո մենք էլ կասենք՝ «փայլուն ընդդիմություն» և «սիրուն աղջիկ Սամսոնյան», և խնդրում եմ դրանից չնեղվեք»:
Մանրամասները՝ տեսանյութում:
