35-մյա Սքոթ Դիսիկի և 40-ամյա Քորթնի Քարդաշյանի հարաբերություններն ավարտվել են չորս տարի առաջ, սակայն նրանք շարունակում են հանուն երեխաների մտերիմ հարաբերություններ պահպանել մինչ այսօր։ Քորթնին նույնիսկ ընկերակցել է նախկին ամուսնու նոր ընկերուհու՝ Սոֆյա Ռիչիի հետ։
Դիսիկը երեխաների և նրանց մոր հետ մեկնել է Կոստա Ռիկա՝ նոր սիրելիին թողնելով տանը։ Այնտեղ է նաև Քորթնիի քույրը՝ Քիմը դստեր՝ Նորթի հետ։ Ընտանիքը Կոստա Ռիկայում կլինի երկու շաբաթից ոչ պակաս։ People հրատարակության աղբյուրը հայտնել է, որ աստղերը բազմաթիվ զվարճանքներ են ծրագրել օվկիանոսում և տրոպիկական անտառներում։
Բացի հեռուստաաստղերից՝ ժամանել է նաև «Քարդաշյանների ընտանիք» շոուի նկարահանող խումբը, ուր, ըստ ամենայնի, նկարահանվում է իրապատում շոուի նոր եթերաշրջանի էպիզոդներից մեկը։
Քորթնին հրաշալի հարաբերություններ ունի Սոֆյայի հետ, նրանք նախորդ տարի արդեն միասին հանգստացել են երեխաների ու Սքոթի հետ։ Այս անգամ նա բացակայում է այն պատճառով, որ Սոֆյայի հայրը՝ Լիոնել Ռիչին, հունիսի 20-ին նշել է հոբելյանը, և Սոֆիան նախընտրել է այդ օրը մնալ ընտանիքի հետ։
