ԱՄՆ նախագահ Դոնալդ Թրամփը չեղարկել է Իրանին հարվածները ամերիկյան ռազմական ինքնաթիռների՝ օդ բարձրանալուց ոչ շատ առաջ։ Այս մասին նա հայտարարել է NBC հեռուստաալիքի հետ հարցազրույցում։
«Մինչև վերջին պահը ոչինչ չի թույլատրվել, քանի որ ամեն ինչ փոխվում է»,-ընդգծել է Թրամփը։
Լրագրողի հարցին՝ արդյոք Թրամփը գործողությունը սկսելու հրաման տվել է, նա բացասական է պատասխանել։
Թրամփն ասել է, որ ինքնաթիռները չեն հասցրել օդ բարձրանալ, սակայն «դա բավականին արագ կարող էր տեղի ունենալ»։
ԱՄՆ առաջնորդը նշել է, որ գործողությունը սկսելուց շուրջ կես ժամ առաջ Պենտագոնի ներկայացուցիչներին հարցրել է, թե դրանից քանի մարդ կզոհվի։ Տեղեկություն ստանալով, որ դրա հետևանքով շուրջ 150 իրանցի կզոհվի՝ Թրամփը եզրակացրել է, որ «դա համաչափական չէր լինի», քանի որ Իրանը միայն ամերիկյան անօդաչու է խոցել։