Այսօր՝ հունիսի 21-ին, հրավիրվել է Ազգային ժողովի արտահերթ նիստ: Այժմ քննարկվում է «Լուսավոր Հայաստան» խմբակցության կողմից ներկայացված՝ Տեղական ինքնակառավարման մասին օրենքում փոփոխություններ կատարելու մասին օրենքի նախագիծը 1-ին ընթերցմամբ ընդունելու մասին հարցը:
Ինչպես ասաց խմբակցության պատգամավոր Արմեն Եղիազարյանը, գործող օրենքով՝ համայնքային ոչ առևտրային կազմակերպությունների տնօրենները նշանակվում են բացառապես համայնքի ղեկավարի սուբյեկտիվ որոշման արդյունքում. «Իսկ ավագանին պարզապես կողմ կամ դեմ է քվեարկում: Ընդ որում՝ երկու անգամ մերժում ստանալու դեպքում համայնքի ղեկավարը իրավունք ունի միանձնյա որոշմամբ նշանակելու: Շատ դեպքերում նաև խնամի-բարեկամ սկզբունքով կատարվում են ոչ այնքան նպատակային նշանակումներ»:
Նրա խոսքով՝ Վանաձորում, օրինակ, Երաժշտական դպրոցի տնօրեն է նշանակվել մաթեմատիկայի ուսուցչուհի: «Այս փոփոխությամբ մենք փորձում ենք բարձրացնել ավագանու դերը»,- նկատեց Արմեն Եղիազարյանը:
Մանրամասները՝ տեսանյութում: