Վենեսուելայի պաշարներից մոտ երկու տոննա ոսկի է աճուրդով վաճառքի հանվել այս տարվա մարտին Թուրքիայում: Այս մասին հաղորդում է The Wall Street Journal-ը`վկայակոչելով աղբյուրները:
«Ոսկու ծագման երկիրը համարվել է Ուգանդան, սակայն մաքսային փաստաթղթերը ցույց են տալիս, որ դա Վենեսուելայի կենտրոնական բանկի պահոցից է», – ասվում է զեկույցում:
Ոսկե ձուլածոները, որոնք փորձել է վաճառել Նիկոլաս Մադուրոյի կառավարությունը, ԱՄՆ-ից Վենեսուելա են տեղափոխվել 1940-ականներին Երկրորդ համաշխարհային պատերազմի ընթացքում մատակարարվող նավթի դիմաց:
Նշվում է, որ այդ ոսկին Վենեսուելայի իշխանությունների կողմից Ուգանդա ուղարկված երկրի 7,4,տոննա ոսկու պաշարների մի մասն է: