Կիևում մեռած են գտել «Ժողովրդական ճակատ» խմբակցությունից Գերագույն ռադայի պատգամավոր Դմիտրի Տիմչուկին՝ «Տեղեկատվական դիմադրություն» խմբի համակարգողին: Այդ մասին, «Ինտերֆաքս»-ին և «Գորդոն» հրատարակությանը հայտնել են իրազեկ աղբյուրներ:
«Ինտերֆաքս»-ի զրուցակցի տվյալներով՝ հետաքննությունը նախնական կարգով ենթադրում է, որ նա գնդակահարվել է պարգև ստացած ատրճանակը մաքրելիս:
«Դմիտրի Տիմչուկը զոհվել է. 40 րոպե առաջ: Տանը մաքրում էր զենքը և անզգուշությամբ գնդակահարվել է»,- ասել է «Գորդոն»-ի աղբյուրը:
Այնուհետև այդ տեղեկատվությունը հաստատել է Ռադայի պատգամավոր Անտոն Գերաշչենկոն:
Տիմչուկը 45 տարեկան Էր: Նա պահեստի փոխգնդապետ էր, զինվորական և քաղաքական լրագրող, ժողովրդականություն վայելող բլոգեր: 2014 թվականի գարնանից նա «Տեղեկատվական դիմադրություն» խմբի համակարգողն էր, որը տվյալներ էր հավաքում Դոնբասում մարտական գործողությունների վերաբերյալ: Նաև նա ղեկավարում էր «Ռազմաքաղաքական հետազոտությունների կենտրոն» հասարակական կազմակերպությունը:
2018 թվականի նոյեմբերին Տիմչուկը հայտնվել է Ուկրաինայի այն 322 քաղաքացիների թվում, որոնք ենթարկվել են Ռուսաստանի պատժամիջոցներին:
