ՆԱՏՕ-ի արեւելյան թեւում ԱՄՆ-ի զորքերի հրամանատարությունը կտեղավորեն Լեհաստանում: Այդ մասին հունիսի 17-ին հայտարարել Է եվրոպական երկրի պաշտպանության նախարար Մարիուշ Բլաշչակը Polskie Radio-ի եթերում:
«Մենք համաձայնության եկանք ԱՄՆ-ի զորքերի դիվիզիոնի հրամանատարության ներկայության շուրջը: Դա կլինի այն հրամանատարությունը, որին կենթարկվեն ամերիկյան զորքերը ՆԱՏՕ-ի արեւելյան թեւում»,- ասել Է Բլաշչակը:
Նա նշել Է, որ հանրապետությունում ամերիկյան ռազմական ներկայության ընդլայման վերաբերյալ Լեհաստանի եւ ԱՄՆ-ի միջեւ ձեռք բերված համաձայնությունը նախատեսում Է վեց կետի ստեղծում, որտեղ կտեղաբաշխվեն ամերիկացի զինծառայողները:
«Համաձայնագրի շրջանակներում մենք համաձայնության եկանք այն բանի շուրջը, որ Լեհաստանում կլինի վեց այդպիսի կետ, որտեղ կգտնվեն ստորաբաժանումները»,- ասել Է նա։
