Եվրամիության խորհուրդը կանաչ լույս է վառել Մոլդովայի քաղաքացիների համար՝ չեղյալ հայտարարելով կարճ ժամկետներում Շենգենյան տարածք մուտք գործելու պարագայում այցագրերի առկայությունը՝ հայտնում է BBC-ի ռուսական ծառայությունը: Սպասվում է, որ կարգն ուժի մեջ կմտնի արդեն մայիսին:
«Առանց այցագրային ռեժիմը տարածվում է Շենգենյան գոտու տարածքում միայն կենսաչափական անձնագրերի ու մինչև 90 օր ուղևորությունների վրա»,- նշել են ԵՄ խորհրդի մամլո ծառայությունից: Այդուհանդերձ, նոր կարգը Մոլդովայի քաղաքացիներին թույլ չի տա առանց այցագրի աշխատել Եվրամիության տարածքում:
Հիշեցնենք, որ Եվրախորհրդարանը Քիշնևի հետ այցագրային ռեժիմի մեղմացումը հաստատել է փետրվարի 27-ին:
