Մենք գտնվում ենք քաղաքական համակարգի տրանսֆորմացիայի փուլում։ Ինչպիսի՞ քաղաքական դաշտ, ինչպիսի՞ վերնախավ և ընդդիմություն կունենանք այդ տրանսֆորմացիայի արդյունքում։
Ժողովրդական իշխանությունների դեպքում շատ ուժեղ է, այսպես ասած՝ խարիզմատիկ առաջնորդ և զանգվածներ կապը և, բնական է, որ այսօր Հայաստանի քաղաքական դաշտում ամենահիմնական, գլխավոր հերոսը հենց լեգիտիմ լիդեր, առաջնորդ Նիկոլ Փաշինյանն է, և այդ քաղաքական տրանսֆորմացիան իրականացվելու է նրա պատկերացումների համաձայն։ Ինչպիսի՞ն են այդ պատկերացումները, և ինչպիսի՞ արդյունք մենք կունենանք «Առաջին լրատվական»-ի հարցին քաղաքագետ Ալեն Ղևոնդյանը պատասխանեց․ «Ինչպիսի՞ն են այդ պատկերացումները, այս պահին, իհարկե, դժվար է ասել։ Մենք կարող ենք ենթադրությունների և հետագիծը վերլուծելու առումով որոշակի դիտարկումներ անել։ Բայց հեղափոխությամբ իշխանություն վերցնելու ժանրն ունի որոշակի օրինաչափություններ։ Այդ օրինաչափություններից մեկն այն է, որ ամեն ինչ, գոնե հրապարակային առումով, պետք է ժողովրդակենտրոն լինի։ Բայց ժողովրդակենտրոնությունը չի ենթադրում հասուն քաղաքական համակարգի ձևավորում։ Համակարգում պետք է կայացած ինստիտուցիոնալ միավորումներ լինեն։ Դա վերաբերում է բոլոր օղակներին՝ կուսակցություններ, ԶԼՄ-ներ, նորմատիվ կարգավորման դաշտ, հետադարձ կապի հաշվետվողականության ինստիտուտ»։
«Փաշինյանն այսօր իր իշխանությանը կամ իր պատկերացումներին համապատասխան փորձում է վերաձևել քաղաքական համակարգը։ Վերջին 30 տարվա մեջ գրեթե բոլոր ղեկավարներն իրենց պատկերացումներին ու օրինաչափություններին համապատասխան, նաև հաշվի առնելով արտաքին օրակարգերը, փորձել են վերաձևել, փոփոխել քաղաքական համակարգը։ Այստեղ կան ստատիկ ցուցանիշներ, որոնք փոփոխման ենթակա չեն, օրինակ՝ Ռուսաստանի հետ ռազմավարական հարաբերությունները կամ Արցախի խնդիրը»։
Մանրամասները՝ տեսանյութում։
