Ռուսաստանը և Իրանը պետք է եռանդագին համագործակցեն, քանի որ դա է պահանջում Մերձավոր Արևելքի տարածաշրջանի իրադրությունը, ինչպես նաև արտաքին ճնշումը: Այս կարծիքը Իրանի նախագահ Հասան Ռուհանին հայտնել է Ռուսաստանի նախագահ Վլադիմիր Պուտինին հետ հանդիպմանը, որը կայացել է Բիշքեկում՝ Շանհայի համագործակցության կազմակերպության գագաթնաժողովի հարթակներում՝ տեղեկացնում է TASS-ը:
«Այն իրադրությունը, որն այսօր ստեղծվում է տարածաշրջանում, պայմանավորում է մեր երկրների միջև ավելի սերտ փոխգործակցության անհրաժեշտությունը»,-ասել է Ռոուհանին: «Ընթացիկ պայմաններում արտաքին լուրջ ճնշման, արտաքին պատժամիջոցների կիրառման առկայությամբ տարածաշրջանի երկրների, մասնավորապես, մեր երկրների միջև փոխգործակցության անհրաժեշտությունն օրեցօր ավելի հրատապ է դառնում»,- նշել է նա:
Ընդսմին Իրանի նախագահն ասել է, որ երկու երկրների համագործակցության ներկայիս մակարդակը բավականին բարձր է: «Չկա մի այնպիսի ոլորտ, որտեղ մենք չենք գործակցում»,-ընդգծել է նա՝ ուշադրություն դարձնելով այն բանի վրա, որ Մոսկվայի ու Թեհրանի հարաբերությունները «օրինակելի բնույթ են կրում և ամեն օր առաջ են շարժվում»:
