Օհանավանի գյուղապետ Ալիկ Ալեքսանյանը քիչ առաջ հայտարարեց գյուղացիներին, որ իրեն կառավարությունից փոխանցել են, որ հանդիպումը գյուղացիների հետ չի կայանա, որովհետև որոշակի հանգամանքներ պետք է ճշտվեն, մինչդեռ մի քանի օր առաջ փոխանցել էին, որ գալու են գյուղացիների հետ հանդիպման:
Գյուղացիները այս պահին ընդվզում են և պատրաստվում են փակել ճանապարհը՝ պահանջելով Արմեն Գևորգյանին՝ ներկայանալ իրենց հետ հանդիպմանը:
«Մենք մինչև երկուշաբթի չենք սպասի, մեր գյուղատնտեսական աշխատանքները դադարեցրել ենք և գնալու ենք փակենք ճանապարհը»,- ասում են նրանք:
Օհանավանում լարված իրավիճակ է, կան մեծ թվով ոստիկաններ, ներկա է նաև Աշտարակի ոստիկանապետը:
