2020թ.-ի նախագահական ընտրություններում ԱՄՆ նախագահի թեկնածու Ջո Բայդենը խոստացել է հաղթահարել քաղցկեղը, եթե ընտրվի պետության ղեկավարի պաշտոնում, հաղորդում է Fox News-ը:
Նշվում է, որ նման հայտարարություն նա արել է Այովա նահանգի Օթումվա քաղաքում ելույթի ժամանակ: Բայդենի որդին՝ Բոն, մահացել է ուղեղի քաղցկեղից 2015 թ.-ին, 46 տարեկան հասակում:
Նախագահի թեկնածուի խոսքերով, հիվանդության հետևանքով ընտանիքի անդամի «կորստի» հետ կապված դժվարին իրավիճակում բոլորը փորձում են աջակցել նրա հարազատներին և ասում են, որ գիտեն, թե նրանք ինչ են զգում, բայց իրականում պատկերացնում չունեն դրա մասին:
«Այդ պատճառով է, որ ես այսքան երկար աշխատել եմ իմ կարիերայի ընթացքում, համոզվելու համար, որ … Ես խոստանում եմ, որ ինձ նախագահ ընտրելու դեպքում դուք կտեսնեք ամենակարևորը, որը կփոխի Ամերիկան, մենք կբուժենք քաղցկեղը»,- ասել է Բայդենը:
Ավելի վաղ ԱՄՆ նախագահ Դոնալդ Թրամփը վիրավորել էր իր մրցակից, 2020 թ.-ի նախագահի թեկնածու Ջո Բայդենին, նրան «հիմար» անվանելով: