Եկամտային հարկի համահարթեցո՞ւմ, թե՞, այնուամենայնիվ, պրոգրեսիվ հարկում։ Այս դիսկուրսը շարունակում է թափ հավաքել, քանի դեռ Ազգային ժողովը վերջնական որոշում չի կայացրել հարկային փոփոխությունների վերաբերյալ։
Համահարթեցո՞ւմ, թե՞ պրոգրեսիվ «Առաջին լրատվական»-ի հարցին «Իրազեկ քաղաքացիների միավորում» հասարակական կազմակերպության նախագահ Դանիել Իոաննիսյանը պատասխանեց․ «Զուտ հստակության համար ասեմ, որ ես այս հարցում էքսպերտ չեմ, և հիմա ես այս հարցում հանդես եմ գալիս որպես քաղաքացի, որն ինչ-որ պատկերացումներ ունի իր երկրի ապագայի հետ կապված։ Գիտեք, ամեն դեպքում չկա որևիցե իդեալական մոդել, եթե հարցին նայենք թե՛ սոցիալական արդարության տեսանկյունից, թե՛ տնտեսության առավելագույն խթանման տեսանկյունից։ Չկա որևիցե մոդել, որը կարելի է բանաձևերով հաշվարկել և ասել՝ այ սա ճշգրիտ է և ամենաէֆեկտիվը։ Բայց ամեն դեպքում, ես կարծում եմ, որ Հայաստանի պարագայում, եթե հարցին նայենք տնտեսության խթանման տեսանկյունից, համահարթեցման մեխանիզմն ավելի էֆեկտիվ է»։
Իսկ «Քաղաքական դիսկուրս» տպագիր և առցանց հանդեսի գլխավոր խմբագիր Վահրամ Սողոմոնյանն էլ ասաց․ «Այս մեխանիզմը կիրառվել է Վրաստանում։ Վրաստանն այսօր աշխարհում ամենաանհավասարությամբ ամենաբարձր նիշ զբաղեցնող երկրներից է, իսկ նախկին խորհրդային երկրների շարքում առաջին տեղն է գրավում։ Եթե նայենք տնտեսական շահերի տեսանկյունից, ապա Վրաստանում ներդրումներ եղել են միայն շինարարության մեջ և ցածր արտադրողականություն ու ոչ բարձրակարգ աշխատուժ ենթադրող ոլորտներում։ Այսինքն՝ այն սպասվող արդյունքը, որ համահարթի արդյունքում պետք է լիներ Վրաստանում, չի եղել»։
Մանրամասները՝ տեսանյութում։
