«Բոյկոտ» վանկարկող ավելի քան հարյուր մարդ է բերման ենթարկվել Ալմաթիի կենտրոնում, Աստանայի հրապարակի մոտ, երկրի նախագահի ընտրությունների օրը: Ոստիկանությունը, այդ թվում, հատուկ ստորաբաժանումների մարտիկները, բերման ենթարկելիս մարդկանց կոպտորեն հրել են ոստիկական մեքենաները:
Ձերբակալվածների թվում նաև լրագրողներ են եղել: «Ազատտըկի» թղթակից Պետր Տրոցենկոյին, AFP-ի լրագրող Քրիս Ռիկլթոնին, Ղազախստանի Մարդու իրավունքների բյուրոյի աշխատակից Դմիտրի Տիխոնովին բերման են ենթարկել հրապարակից:
Որոշ ժամանակ անց նրանց ազատ են արձակել:
Նուր-Սուլթանում ձերբակալությունները տեղի են ունեցել «Ժասթար» պալատի մոտ, որտեղ մի քանի հարյուր քաղաքացիներ են հավաքվել: Այստեղ ձերբակալվել է նաև «Ազատտըկի» լրագրող Սանիա Թոյկենը, որը խմբագրության հանձնարարականով ուղիղ հեռարձակում է վարել Facebook-ում: Որոշ ժամանակ անց նա ազատ է արձակվել Եսիլսկի ոստիկանական բաժանմունքից:
Շըկենտում ևս 20 մարդ է ձերբակալվել: «Ազատտըկի» թղթակցի այն հարցին, թե ինչու են մարդկանց ձերբակալում, ոստիկանությունը պատասխանել է. «Ինքնությունը հաստատելու նպատակով»:
Ներքին գործերի նախարարությունը դեռ չի մեկնաբանել երկրում ձերբակալությունների մասին տեղեկատվությունը:
Հունիսի 9-ը Ղազախստանում նախագահական արտահերթ ընտրությունների օրն է: 78-ամյա Նազարբաևը, որը գրեթե երեք տասնամյակ ղեկավարել է երկիրը, հրաժարական է տվել այս տարվա մարտին, իշխանության զգալի մասը պահպանելով իր ձեռքում: Նրա հրաժարականից երեք շաբաթ անց, խորհրդարանի նախկին խոսնակ, նախագահի պաշտոնակատար Կասիմ-Ժոմարտ Տոկաևը արտահերթ ընտրություններ է նշանակել:
In a police van after being detained for carrying out my professional activities. Black eye sustained during a rough arrest. I fell on a policeman's knee and was not struck deliberately. My accreditation was taken from me. #Kazelection2019 pic.twitter.com/GV8F9nmEKm
— Chris Rickleton (@ChrisRickleton) June 9, 2019