Ավստրալացի դերասան Քրիս Հեմսվորթը հաստատել է, որ ընդմիջելու է նկարահանումները: Նա ցանկանում է ավելի շատ ժամանակ հատկացնել կնոջը և երեխաներին: Այդ մասին հայտնել Է Daily Mail-ը:
«Այս տարի ես, ամենայն հավանականությամբ, ոչ մի տեղ չեմ նկարահանվի: Այժմ պարզապես ցանկանում եմ իմ երեխաների հետ տանը լինել: Նրանք այժմ շատ կարևոր տարիքում են. նրանք դեռ փոքր են»,-ասել է դերասանը: 35-ամյա Հեմսվորթը, որը համաշխարհային ճանաչում է ստացել «Վրիժառուները» ֆրանշիզայում Թորայի դերը խաղալուց հետո, մի ամբողջ տարի անց է կացրել նկարահանումների և ուղևորությունների մեջ՝ Ավստրալիայում թողնելով կնոջը՝ Էլզա Պատակիին, և երեք զավակներին (դուստրը՝ Ինդիա Ռոուզը, յոթ տարեկան է, երկվորյակ տղաները՝ Սաշան և Տրիստանը՝ հինգ տարեկան): Այժմ նա ծրագրում է լրացնել բաց թողածը և ազատ ժամանակն անցկացնել ընտանիքի հետ:
