Անդրադառնալով լրատվամիջոցներում տարածված այն տեղեկատվությանը, թե Հանրային հեռուստաընկերության լրագրող Արտակ Ալեքսանյանն արդեն նշանակվել է «Արմնյուզ» հեռուստաընկերության տնօրեն՝ վերջինս «ՀԺ»-ին ասել է, որ իր նշանակումը դեռևս չի եղել. «Օդից կախված է նաև Մենուա Հարությունյանի հարցը, որը մինչ այժմ «Արմնյուզի» տնօրենն էր»,- գրում է թերթը և հավելում.
«Մեր հարցին՝ մնալո՞ւ է ինքը «Արմնյուզում», եթե՝ այո, ինչ կարգավիճակով, եթե՝ ոչ, ապա ուր է գնալու, վերջինս պատասխանեց. «Այդ հարցը դեռ չի քննարկվել հեռուստաընկերության սեփականատերերի հետ, նրանք արձակուրդում են: Ես ինձ տեսնում եմ «Արմնյուզի» կոմերցիոն բլոկում: Եթե չմնամ, կարող է կրկին կոմերցիայով շարունակեմ աշխատել «Արմնյուզի» հետ, իմ ֆիրմայով պայմանագիր կնքեմ հեռուստաընկերության հետ և շարունակեմ աշխատել: Արտակը զբաղվելու է վարկանիշներով: Ինչքան հասկանում եմ, նրա առջև խնդիր է դրված՝ բարձրացնել հեռուստաընկերության վարկանիշը»: