Թուրքիայում դիտարկում են С-400 զենիթա-հրթիռային համալիրները հարավային ափամերձ տարածքում տեղակայելու հարցը, ոչ հեռու վիճելի հանքավայրից, որտեղ նախատեսվում է նավթի և գազի հետախուզական աշխատանքներ իրականացնել, հաղորդում է Bloomberg-ը, վկայակոչելով չորս աղբյուրներ:
«Թուրքիան C-400-ը որպես զսպող գործոն է դիտարկում Արևելյան Միջերկրածովյան տարածաշրջանում իր էներգետիկ շահերը պաշտպանելու համար, որտեղ հասունացած լարվածությունը կարող է Թուրքիայի և ԱՄՆ-ի հարաբերությունները ծայրահող կետի հասցնել», – ասել է Անկարայի գիտահետազոտական ինստիտուտի ղեկավար Մեհմեդ Սեյֆեթինը:
Այսպիսով, C-400 ՀՕՊ համակարգերը զգալիորեն կբարձրացնեն Թուրքիայի ռազմական հնարավորությունները Արևելյան Միջերկրածովյան տարածաշրջանում Կիպրոսի Հանրապետության հետ լարվածության ֆոնին՝ վիճահարույց տարածքում գազի հետախուզական աշխատանքների իրականացման պատճառով: Անկարան Կիպրոսի հյուսիսային մասում գտնվող կղզուն հարակից ափամերձ տարածքը համարում է իրենը, որն ավելի ուշ ստացել է Հյուսիսային Կիպրոսի Թուրքական Հանրապետություն անվանումը: Այնուամենայնիվ, միջազգային հանրությունը Հյուսիսային Կիպրոսը որպես անկախ պետություն չի ճանաչում:
Սակայն, ըստ գործակալության աղբյուրների, Միջերկրական ծովափը Թուրքիայի դիտարկած միակ տարբերակը չէ C-400-ի տեղակայման համար:
Ավելի վաղ, Միացյալ Նահանգները զգուշացրել է, որ Անկարան լարվածության աճ է հրահրում տարածաշրջանում՝ Կիպրոսի բացառիկ տնտեսական գոտում հորատման աշխատանքներ սկսելու վճռականությամբ:
