«Արժեր, որ ուրիշները օրինակ վերցնեն մեր այդ հանրահավաքից այն իմաստով, որ այն, ինչ ասվել է, ասվել է զուսպ, առանց որևէ մեկին անձնական վիրավորանք հասցնելու։ Երկիրն առանց ընդդիմության՝ նշանակում է, որ ինչ-որ բան խաթարված է։ Կենսական անհրաժեշտություն է, որ այսօր կարողանանք ասել նաև այն խնդիրները, որոնք գոյություն ունեն։ Իսկ այդ խնդիրները կան, գոյություն ունեն»,-«Առաջին լրատվական»-ի հետ զրույցում ասաց ՀՅԴ անդամ Արտյուշա Շահբազյանը։
Նա նշեց, որ չի հավատում, թե վեթինգի ինստիտուտի ներդրումն արդյունք պետք է տա․«Այսինքն՝ ի՞նչ է, քննությո՞ւն պետք է վերցնեն։ Ես կարծում եմ՝ այստեղ վախեցնելու խնդիր կա, որովհետև մարդիկ փոխանակ հետքայլ անելու, պատրաստվում են շատ ավելի ծավալուն ձևով խառնել իրար։ Հավանաբար անհրաժեշտ են այսպես ասած ենթարկվող դատավորներ»,-հավելեց Արտյուշա Շահբազյանը։
