LG ընկերությունը հայտնի է իր արտասովոր, լավ հիշվող գովազդներով: Սակայն G Flex պլանշետֆոնի նոր գովազդը պրոֆիլային պարբերականները առնվազն տարօրինակ են համարում, իսկ ոմանք էլ կարծում են, որ դա սմարթֆոնի առաջխաղացման համար նկարահանված ամենասարսափելի տեսագրությունն է: Այս մասին գրում է Onliner-ը:
Տեսագրության սյուժեն պարզունակ է: Երկու ընկերներ ռեստորանում են: Նրանցից մեկի ծննդյան տարեդարձի օրն է, և մյուսը նրան LG G Flex է նվիրում: Մինչ տղամարդը բացում է փաթեթը, տուփի ներսից տարօրինակ ձայներ են լսվում: Պարզվում է՝ դա նրա մեկ այլ ընկերն է, որ գտնվում է հեռավոր երկրամասում և այժմ շտապում է շնորհավորել ընկերոջը: Եվ այդ պահին հեռախոսի փոխարեն հոբելյարի ձեռքին են հայտնվում բերան, մորուք և ականջ:
Դրանով ընկերությունն, ամենայն հավանականությամբ, փորձել է ընդգծել LG G Flex-ի ճկվող կաղապարի առանձնահատկությունը:
