Սյունիքի նախկին մարզպետ Սուրեն Խաչատրյանից «Առաջին լրատվականը» հետաքրքրվել է՝ ինչո՞ւ կա այդքան ատելություն նրա նկատմամբ, և ինքն ինչո՞վ է դա պայմանավորում:
«Բայց լրագրողները ո՞ւմ նկատմամբ չեն չարություն պահում, չկա մեկը, ում նկատմամբ չարացած չլինեն: Այ, ինձ դա է հետաքրքիր՝ ինչո՞ւ կա այդքան չարություն լրագրողների մեջ: Ձեր մեջ էդքան չարություն որտեղի՞ց:
Իսկ դուք մեր մեջ այսքան չարություն տեսա՞ք՝ հարցնում ենք։ «Ձեզ կողքի եմ դնում, մի անգամ դու՝ որպես լրագրող, որպես էս երկրի քաղաքացի, մի անգամ հետաքրքրվե՞լ ես՝ ի՞նչ է արել Սուրիկ Խաչատրյանը էս երկրի համար»:
Հետաքրքրվեցինք՝ ե՞րբ է Սուրեն Խաչատրյանը այսքան մեծ հարստություն դիզել։ «Ես այդ հարստությունը ունեցել եմ: Ես ավելի շատ հարուստ եմ եղել սովետական տարիներին, քան հիմա: Ես Ուկրաինայի Զապորոժյե քաղաքում ունեցել եմ ստոմատոլոգիչսկի պոլիկլինիկա, որտեղ աշխատում էին 25 հոգի մարդ, և ես այնքան փող ունեի ամեն օր: Եվ 88-ին, երբ շարժումը սկսվեց, ես իմ ունեցած սեփական գումարից մեկուկես միլիոն ռուբլի փող եմ տվել, զենք ու զինամթերք բերել Սյունիք, ինքս էլ գնացել խրամատ:
Իմ հարստությունը իսկապես շատ վաղուց է, և ես չէի կարող սոցիալապես այս ծանր վիճակում, բյուջեի այսպիսի պայմաններում… ես քաղաքապետ եմ աշխատել, մարզպետ եմ աշխատել, և քաղաքապետարանի կամ մարզպետարանի բյուրջեն այդքան ճոխ չէր, որ կարողանայի հարստանալ, իմ կողմից հակառակն է եղել: Հակառակը, միշտ ես եմ ներդրել: Այսօր էլ ներդրում եմ անում հանքարդյունաբերության մեջ, որ վաղը կարողանանք 100-200 աշխատատեղ ստեղծել: Այսօր էլ այդ ներդրումն անում եմ: Եթե տեղացի մարդը կարողանում է ներդրում անել և աշխատատեղ ստեղծել, ավելի ուրախալի չէ՞, քան մեկը Կանադայից կամ ԱՄՆ-ից գա ներդնի»,- ասաց նա:
«Առաջին լրատվականը» հետաքրքրվեց «Բելաջիո»-ի հանդիպակաց սարալանջին նրա հսկայական տնից, հարստություններից, ի՞նչ է անում այդ ամենը: «Ուզում եմ մի բան իմանաս՝ ոչ մի մարդ իր սարքածի տերը չի, ինչ էլ սարքում է, ի վերջո, պետությանն է մնում: Քեզ՝ որպես քաղաքացի, ամեն գնալուց-գալուց ավելի հաճելի էր էն կեղտոտ ապառաժների՞ն նայել, քան թե այսօր տուն է սարքվում, ասա՝ ո՞րն է հաճելի, թե՞ որ Խաչատրյան Սուրիկն է սարքում՝ ուրեմն անկարելի է»:
Մեր հարցին՝ Գագիկ Ծառուկյանը օլիգարխ է, Դուք՝ նույնպես, վերջերս նրան Լևոն Տեր-Պետրոսյանը Իվանիշվիլիի հետ համեմատեց: Խոսացկությոններ կան նրա՝ ընդդիմադիր առաջնորդ լինելու մասին: Հնարավո՞ր է՝ դուք էլ, երկրի խնդիրներով մտահոգ, որոշեք ընդդիմադիր առաջնորդ դառնալ:
«Ես ինձ երբևէ ընդդիմադիր դաշտում չեմ պատկերացնում, այս պետության հիմնադիրներից մեկն էլ ինձ եմ համարում և փորձում եմ, ինչ հնարավոր է, անել և կարծում եմ՝ մեր պետությունը ինչ ծրագիր ունի պետության առաջընթացի համար՝ այդ ծրագիրը ընթանում է, և չեմ էլ կարծում այնպիսի պետություն ենք, որ շատ արագ կարող ենք այս զարգացման ճանապահը անցնել»:
Ձեր անվտագության համար մտավախություն չունե՞ք հարցին էլ պատասխանեց. «Ես ոչ մի մտավախություն չունեմ, հավատացեք, չեմ էլ ունեցել, ոչ մի վախկոտ մարդ պատերազմ չի գնում»:
Գորիսի նախկին քաղաքապետի փաստերը իր անցյալի մասին այսպես մեկնաբանեց. «Չեմ կարծում, որ հոգեկան հիվանդի մասին ես հիմա պետք է բացատրություն տամ»:
