Facebook սոցիալական ցանցը միջոցներ է ձեռք առել Google Chrome բրաուզերի համար Facebook Friend Exporter ծրագրի աշխատանքը դադարեցնելու համար, որը թույլ էր տալիս սոցցանցից ավտոմատ կերպով հանել ընկերների տվյալները, այդ թվում՝ անուն, ազգանունները, հասցեները, էլ. փոստի հասցեները և այլն: Այս մասին գրում է ZDNet-ը:
Սոցցանցի ներկայացուցիչ Մուհամադ Մասուրն ասել է, որ հուլիսի 5-ից այդ ծրագրի միջոցով հնարավոր չի լինի գտնել ընկերների էլ.փոստի հասցեն: Ենթադրվում է, որ Facebook-ն այս քայլին են գնացել Google+ մրցակից սոցցանցի գործարկման պատճառով: Բանն այն է, որ Facebook Friend Exporter-ի միջոցով հնարավոր է ստանալ բոլոր ընկերների էլ.փոստի հասցեները մեկ փաթեթում և հրավիրել նրանց նաև Google+ սոցցանց:
Սրա օգտին է խոսում նաև այն հանգամանքը, որ Facebook Friend Exporter-ի օգտատերերի թիվը շատ արագ սկսել էր աճել և հիմա կազմում է 17 հազար:
