Իրանի արտգործնախարարի տեղակալ Հուսեյն Ամիր Աբդոլահիանը հերքել է Իսրայելի հայտարարությունն այն մասին, որ Թեհրանը հրթիռներ է ուղարկել Գազայի հատված՝ հաղորդում է IRNA գործակալությունը:
«Հայտարարությունն այն մասին, որ հրթիռներով բեռնված նավը Գազայի հատված է ուղարկվել Իրանից, անհիմն է»,- ասել է նա:
Հիշեցնենք, որ չորեքշաբթի Իսրայելի ռազմա-ծովային ուժերը Կարմիր ծովում կալանել են հրթիռներով բեռնված նավ: ԱՄՆ Պետդեպարտամենտի տվյալներով՝ կալանքի տակ է վերցել իրանական զենք, որը փոխադրվել է անօրինական կերպով: Իսրայելի պաշտպանության բանակի պաշտոնական ներկայացուցչի խոսքերով՝ զենքը նախատեսված է եղել Գազայի հատվածի ահաբեկչական խմբավորումների համար:
