Ուկրաինայի Հրեական հոգևոր միացյալ կազմակերպությունների ղեկավար Յակով Դով Բլայխը, ով ԱՄՆ պետքարտուղար Ջոն Քերրիին ուղեկցել է Կիև կատարած այցելության ժամանակ, հայտարարել է, որ Ջոն Քերրին հավանել է G7 գագաթնաժողովը Սոչիից Կիև տեղափոխելու գաղափարը, փոխանցում է Цензор. Net-ը:
«Ես կարծում եմ, որ գագաթնաժողովն ամբողջովին հարկավոր չէ չեղյալ հայտարարել, այլ այն հարկավոր է Կիևում անցկացնել: Եթե առաջնորդները Սոչի չմեկնեն, ապա նրանք պետք է աջակցեն Ուկրաինային և Կիև ժամանեն»,- ասել է ռաբբին:
Բլայխը տեղեկացրել է նաև, որ գագաթնաժողովը Կիևում անցկացնելու ուղղությամբ արտասահմանյան գործընկերների հետ բանակցություններ է սկսել վարել:
«Ես այդ մասին արդեն խոսել եմ կանադացիների, ֆրանսիացիների հետ և պատրաստվում եմ խոսել գերմանացիների հետ: Եթե այս առաջարկությունը միջազգային աջակցություն ստանա, ապա մենք կարող ենք G7-ը Կիևում անցկացնել»- ասել է ռաբբին:
