Սիրիացի զինծառայողները Հոմսի մոտ գտնվող գրոհայինների բազաներից մեկում ռեյդի ժամանակ հայտնաբերել են Պալմիրայից գողացված պատրիկների 9 հարթաքանդակներ:
Ինչպես հայտնում է SANA գործակալությունը՝ զինված պարագլուխները ցանկացել են վաճառել դրանք մաքսանենգներին՝ ստացված միջոցներով զենք և թմրանյութ ձեռք բերելու համար:
Սիրիայում հակամարտության երեք տարիներին տեղի ԶԼՄ-ները բազմիցս հայտնել են հորդանանցի և լիբանանցի սահմանապահների կողմից սիրիական քաղաքների թանգարանների գողացված նմուշների խմբաքանակների առգրավման մասին:
Նշենք, որ ՅՈՒՆԵՍԿՕ-ի համաշխարհային պատմամշակութային ժառանգության նմուշների ցուցակում ներառված են Սիրիայի տարածքում գտնվող 40 հուշարձաններ:
