Apple ընկերությունը հայտարարել է այն մասին, որ Փիթեր Օպենհայմերը, ով հանդիսանում է Apple-ի ավագ փոխնախագահն ու ֆինանսական գծով տնօրենը, ընկերությունը կլքի սեպտեմբերի վերջին: Նրա պաշտոնը կզբաղեցնի ֆինանսների գծով փոխնախագահ Լուկա Մաեստրին: Լուկան ֆինանսական տնօրենի պաշտոնը կզբաղեցնի հունիսին, իսկ Փիթերը մնացած ժամանակաընթացքում աստիճանաբար կհանձնի պարտականությունները, ինչը թույլ կտա սահուն անցում կատարել: Այս մասին հայտնում է Vesti-ն:
Փիթերը ֆինանսական տնօրենի պաշտոնը զբաղեցրել է վերջին 10 տարիներին, այդ ընթացքում ընկերության տարեկան եկամուտը աճել է՝ 8 մլրդ դոլարից հասնելով 171 մլրդ դոլարի:
«Չնայած շատ տխուր եմ, որ նա հեռանում է, բայց նաև ուրախ եմ, որ նա կարող է ժամանակ նվիրել իրեն և իր ընտանիքին»,- ասել է ամերիկյան կորպորացիայի ղեկավար Թիմ Կուկը:
Լուկան արդեն ավելի քան 25 տարի աշխատում է ֆինանսների կառավարման դեպարտամենտի բարձր պաշտոններում:
