Ռուսաստանը մտադիր է արևմտյան երկրների հետ Ուկրաինայի շուրջ ստեղծված իրավիճակը և երկիրը ճգնաժամից դուրս բերելու ուղիները քննարկել՝ պայմանով, եթե կատարվի փետրվարի 21-ին կնքված համաձայնագիրը: Այս մասին հայտնել է ռուսական արտաքին քաղաքական գերատեսչության աղբյուրը՝ փոխանցում է RIA Novosti-ն:
«Ռուսական կողմի համար սկզբունքային է երկու պայման. փետրվարի 21-ի համաձայնագրի կատարումը, որը ներառում է սահմանադրական բարեփոխումների անցկացում, կոալիցիոն կառավարության ստեղծումը: Այդ բանակցային գործընթացում պետք է ներկայացվեն Ուկրաինայի բոլոր քաղաքական ուժերը»,- ասել է աղբյուրը:
