ՌԴ նախագահի Դոնեցկի և Լուգանսկի չճանաչված հանրապետությունների բնակիչներին ռուսական անձնագրերի պարզեցված կարգով տրամադրման մասին հրամանագիրը «ոջլոտության դեմ փորձություն» կդառնա Ուկրաինայի ապագա նախագահ Վլադիմիր Զելենսկիի համար: Այս մասին Օդեսայի նախկին նահանգապետ և Վրաստանի նախկին նախագահ Միխայիլ Սահակաշվիլին հայտարարել է Facebook-ում հրապարակված տեսաուղերձում:
Սահակաշվիլին նշելով ՌԴ նախագահ Վլադիմիր Պուտինի հետ շփման իր մեծ փորձը, հայտարարել է, որ նման միջոցներով Ռուսաստանի ղեկավարությունը փորձում է Ուկրաինայի կողմից զիջումների հասնել. բանակցությունների բազմակողմ ձևաչափից անցում երկկողմի և «մի քանի այլ բաներ՝ խորհրդանշական և ոչ այնքան»:
Ուկրաինայի նախկին նահանգապետը կարծում է, որ որքան շատ զիջումներ անի Կիևը, այնքան ավելի մեծ կլինեն ռուսական ղեկավարության պահանջները: Միևնույն ժամանակ, Սահակաշվիլին հայտարարել է, որ ցանկացած հարձակում Ուկրաինան ավելի ուժեղ կդարձնի, քանի որ «այն ինչը մեզ չի սպանում, ավելի ամուր է դարձնում»: Քաղաքական գործիչը ուկրաինացիներին կոչ է արել հանգիստ վերաբերվել իրավիճակին և նշել, որ Ռուսաստանը «մեծ պարտք ունի» իրենց երկրի հանդեպ:
