«Մամուլի հետ սուրճ» հաղորդման ապրիլի 25-ի հյուրը լրագրող, վերլուծաբան Մհեր Ղալեչյանն է։
Մեր զրուցակիցն անդրադարձավ ԴԱՀԿ նախկին ղեկավար Միհրան Պողոսյանի՝ Ռուսաստանից ապաստան խնդրելու փաստին և նշեց.«Դա ևս մեկ անգամ ցույց է տալիս, թե ինչքան պատահական բնույթի մարդիկ են հայտնվել նախկին իշխաությունների տարբեր ոլորտներում, որոնց համար պատվի, արժանապատվության, ուսադիրի կրման զգացողություն չի եղել։ Գեներալի ուսադիրներն ընդամենը բիզնեսը ընդլայնելու ու ապահովագրելու միջոց են եղել։ Պետք է նաև ուսադիրներից զրկել, ամոթ է, որ գեներալ մարդը գնում և ապաստան է խնդրում»։
Մհեր Ղալեչյանն անդրադարձավ նաև մարտի 1-ի գործին և նշեց.«Քոչարյանը կարող է նաև Հռոմի պապին դիմել, բայց դատարանում, երբ փաստերը հրապարակվեն՝ բոլորը ձայնները կտրելու են, արյունն այնպիս բան է, որ տարիների ընթացքում չի չորանում»