Ոստիկանները պատմել են հատուկ գործողությունների մասին, որի ընթացքում Թուրքիայի հինգ և Ադրբեջանի մեկ քաղաքացի են ձերբակալել ԵՄ թմրանյութերի մաքսանենգության մեջ ներգրավվածության համար:
Այս մասին, ճեպազրույցի ժամանակ պատմել են ազգային ոստիկանության ղեկավարի առաջին տեղակալ Վյաչեսլավ Աբրոսկինը և նարկոհանցագործության դեմ պայքարի վարչության պետ Անդրեյ Կիխտենկոն, հաղորդել է «Ուկրաինսկայա պրավդան»:
Ճեպազրույցին ոստիկանները 300 կգ հերոին են բերել, որն առգրավել են թմրավաճառներից:
Թմրանյութերի մոտավոր արժեքը 25 մլն դոլար է կազմել:
Ձերբակալվածներից ամենաերիտասարդը Ադրբեջանի 28-ամյա քաղաքացին է, մյուսները՝ 55-60 տարեկան «փորձառու թմրավաճառներ են»:
Հանցագործները հերոին են մատակարարել Գերմանիա, Նիդեռլանդներ, Իտալիա, Իսպանիա՝ տարանցման համար օգտագործելով Ուկրաինան, որտեղ նրանց գրավել է աշխարհագրական հարմար դիրքը, զարգացած ենթակառուցվածքը և նավահանգիստների առկայությունը: