Երգչուհի Շերը վրդովված է ԱՄՆ նախագահի թեկնածու Բարնի Սանդերսի ահաբեկիչ Ջոհար Ցարնաևին ընտրություններում քվեարկելու հնարավորություն տալու մասին կոչից: Ցարնաևը մահապատժի է դատապարտվել Բոստոնի մարաթոնին իրականացրած պայթյունի համար, հաղորդում է Fox News-ը:
Ինչպես նշվում է, Շերն իր դիրքորոշումը ներկայացրել է Twitter-ում, բայց հետո հրապարակումը հեռացրել է:
«Բարնի Սանդերսն իսկապե՞ս վստահում է բանտում գտնվող մարդասպաններին, մանկպիղծներին, հանցագործներին, բոստոնյան ահաբեկիչները … դեռ արժանի՞ են քվեարկելու իրավունքի»,- գրել է երգչուհին:
Ավելի վաղ Սանդերսը վստահություն է հայտնել, որ ահաբեկիչ Ջոհար Ցարնաևը պետք է քվեարկի ԱՄՆ ընտրություններին:
2013-ի ապրիլի 15-ին Բոստոնում տեղի ունեցած պայթյունի հետևանքով 3 մարդ է զոհվել և ավելի քան 260 մարդ վիրավորվել: Թամերլան Ցարնաևը սպանվել է ոստիկանության կողմից, նրա եղբայրը՝ Ջոհարը, ձերբակալվել:
