Թուրքիայի ԱԳՆ ղեկավար Ահմեդ Դավութօղլուն հայտարարել է, որ Անկարան կգործադրի բոլոր ջանքերը, որպեսզի Ղրիմը մնա Ուկրաինայի կազմում: Այս մասին հայտնում է gazeta.ru-ն:
«Թուրքիան Ղրիմի ապագայի համար կանի հնարավորը՝ Ուկրաինայի տարածքային ամբողջականության շրջանակներում»,- Twitter-ի իր էջում գրել է Դավութօղլուն:
Ավելի վաղ Ուկրաինայի Գերագույն ռադայի նախագահ, Ուկրաինայի նախագահի պաշտոնակատար Ալեքսանդր Տուրչինովը հրամայել էր Ուկրաինայի զինված ուժերը բերել լիակատար ռազմական պատրաստականության: Այս որոշումն ընդունվել է Դաշնային խորհրդի՝ ռուսական զորքերը Ղրիմ մտցնելու որոշումից հետո:
