Ազատության հրապարակից մեկնարկել է Հայոց ցեղասպանության 104-րդ տարելիցի նախօրեին ավանդական դարձած ջահերով երթը դեպի Ծիծեռնակաբերդ:
«Մենք, անմար պահելով մեր ջահերը, պահանջել ենք արդարություն»,- երթի մեկնարկից առաջ ասել է կազմակերպիչներից մեկը: Մեր երթը շարունակվելու է այնքան ժամանակ քանի դեռ Թուրքիան չի առերեսվել իր պատմական ճշմարտության հետ: Երթը շարունակվելու է այնքան ժամանակ, քանի դեռ մարդկության դեմ ծանր հանցագործություն կատարած պետության իրավահաջորդը, այսինքն՝ ներկայիս Թուրքիան և նրա իշխանությունը, շարունակում են մերժման և ժխտողական քաղաքականությունը»:
