Ադրբեջանական Salam News գործակալության փոխանցմամբ՝ այսօր Բաքու են ժամանում ՆԱՏՕ/ԱՄՆ-ի փորձագետները։ Այս մասին հայտարարել է Ադրբեջանի պաշտպանության նախարարության մամլո ծառայությունը։
Փորձագետները Բաքու են ժամանում Ադրբեջանի զինված ուժերի Ռազմական ակադեմիային կրթական ոլորտում փորձագիտական օգնության ցուցաբերումը շարունակելու համար։
Այդ այցը տևելու է մինչև հուլիսի 6-ը։
Հիշեցնենք, որ հուլիսի 10-ին և 12-ին էլ Բաքու պետք է ժամանի ՆԱՏՕ-ի միացյալ ուժերի Նեապոլյան հրամանատարության շարժական ուսումնական խումբը։
Իսկ ՆԱՏՕ-Ադրբեջան համագործակցության շրջանակներում հուլիսի 20-23-ը Բաքվում կկայանա փորձագետների հանդիպումը, որին կմասնակցեն Իզմիրում տեղակայված ՆԱՏՕ-ի ռազմաօդային ուժերի հրամանատարության ներկայացուցիչները։
