Բոլոր պետական պաշտոնյաները պետք է զուսպ լինեն, նախաքննության ընթացքում որևէ դիրքորոշում չհայտնեն, դա կարող է լինել ճնշում նախաքննական մարմնի վրա, պետք է զերծ մնալ որևէ տեսակի մեկնաբանությունից: Այս մասին «Առաջին լրատվական»-ի հետ զրույցում նշեց «Իմ քայլի» պատգամավոր Արեն Մկրտչյանը՝ անդրադառնալով ԱԱԾ-ի կողմից ՊՎԾ պետ Դավիթ Սանասարյանին առաջադրված մեղադրանքին:
Պատգամավորի խոսքով՝ Դավիթ Սանասարյանը այս պարագայում մեղադրյալ է, պետք է բնականաբար պաշտպանվի և հանդես գա հայտարարություններով, իսկ մյուս պաշտոնյաները պետք է լինեն նետրալ․ «Կրկնում եմ դա կարող է դիտվել որպես ճնշում: Բազմիցս հայտարարել ենք, որ բոլոր նրանք ովքեր կլինեն կոռուպցիայի մեջ պետք է պատասխան տան: Չի լինելու այն, ինչ եղել է նախկինում, չեն լինելու յուրայիններ և ոչ յուրայիններ: Չպետք է ֆիքսվել Դավիթ Սանասարյանի անձի վրա, այլ՝ երևույթի վրա: Ոչ ոք օրենքից վեր չէ՝ Արեն Մկրտչյանը կլինի, թե Դավիթ Սանասարյանը»,-նշեց Արեն Մկրտչյանը: