Բժշկական պրակտիկայի մեջ առաջին անգամ են բժիշկները այսպիսի դեպքի հանդիպել, երբ մարդու ուղեղի մեջ լիարժեք ատամներ աճած լինեն: Յուրահատուկ երևույթը հայտնաբերվել է չորս ամսական երեխայի հետ:
ԱՄՆ-ի Մերիլենդ նահանգում չորս ամսական երեխան գլխի ուռուցքի հազվադեպ տեսակով էր տառապում՝ նրա ուղեղի մեջ ատամներ էին աճում:
Երեխային վիրահատել են, և ինչպես ցույց են տվել հետագայում կատարված ուսումնասիրությունները, դա դանդաղ աճող զանգված է եղել:
Բժիշկների խոսքերով՝ վիրահատությունից հետո երեխան արագ կազդուրվում է: Նա պարբերաբար МРТ-սքանավորում է անցնում, քանի որ բժիշկները ցանկանում են վստահ լինել, որ ուռուցքն այլևս չի աճի, գրում է Mail Online-ը: