Շվեյցարիայի իշխանությունները հրապարակել են ուկրաինացի քաղաքական գործիչների անունները, ում հաշվեհամարները այդ երկրում արգելափակվել են: Ամբողջ ցուցակը տեղադրված է Շվեյցարիայի Դաշնային խորհրդի կայքում:
Ցուցակի մեջ ընդգրկված են Վիկտոր Յանուկովիչը և նրա որդի Ալեքսանդրը, Նիկոլայ Ազարովը, Միխաիլ Դոբկինը, Վիկտոր Պշոնկան, Ելենա Լուկաշը, Բորիս Կոլեսնիկովը, Յուրի Կոլոբովը, Էդուրադ Ստավիցկին և Վիտալի Զախարչենկոն:
«Այս միջոցները ձեռնարկելով՝ Դաշնային խորհուրդը ցանկանում է խուսափել ուկրաինական պետական ակտվների անօրինական յուրացման սպառնալիքից»,- նշված է կայքում:
Այն դեպքում, եթե հաստատվի, որ արգելափակված ակտիվները անօրինական ճանապարհով են ստացվել, Շվեցիարիան դրանք կվերադարձնի Ուկրաինային:
Փետրվարի 28-ին տված հարցազրույցի ժամանակ Վիկտոր Յանուկովիչը հայտարարել է, որ արտասահմանում հաշվեհամարներ և սեփականություն չունի:
