2018-ի հոկտեմբերի 15-ին Քեյթ Միդլթոնի քույրը՝ Պիպա Միդլթոնը, լույս աշխարհ է բերել առաջնեկին՝ Արթուր Մայքլ Ուիլյամին։ Վերջերս նա հարցազրույց է տվել People պարբերականին, որի ժամանակ խոսել է նաև որդու մասին։
Քեմբրիջի դքսուհու կրտսեր քույրը սիրում է սպորտը և որդու մեջ դեռ վաղ հասակից փորձում է սեր սերմանել ակտիվ կենսակերպի նկատմամբ։ Նրա խոսքով՝ 6 ամսական Արթուր Մայքլ Ուիլյամը շատ է սիրում լողը։ Երեխան սկսել է լողալ սովորել 4 ամսականից։
Նա ասել է, որ հղիության ժամանակ հաճախ է լողացել լողավազանում, ինչն օգնել է ներդաշնակություն ձեռք բերել։ Միդլթոնը կարծում է, որ ջրային պրոցեդուրաներն անվնաս են հղիների համար և մարզասրահներում պարապմունքների լավ այլընտրանք են։
