Շատերը նշում են, որ հետհեղափոխական այս շրջանն այն ճիշտ ժամկետն էր, երբ իշխանությունը պետք է կարողանար համակարգել բոլոր խնդիրները և մշակել ու առաջարկել ռազմավարական լուծումներ: Թեմայի շուրջ «Առաջին լրատվական»-ի հետ զրույցում ազատամարտիկ, ԵԿՄ վարչության անդամ Սամսոն Խաչատրյանը, անդրադառնալով այս դիտարկմանը, նշեց. «Ժողովուրդն է ընտրել կառավարությանը, սպասողական վիճակում ենք, կարծում եմ ամեն ինչ դեպի լավը կգնա: Այս հեղափոխությունը պետք է փայփայնեք, պետք է կանգնենք նոր իշխանության թիկունքին, մինչև վերջ գնանք, կարողանանք երկիրն այս վիճակից հանել»:
Կա կարծիք, որ հանրային ընկալումներում իշխանությանը տրված ժամկետը կարծես թե մոտենում է ավարտին: Ս. Խաչատրյանի կարծիքով, սակայն, ազգովի է հեղափոխություն կատրվել, և մարդիկ դեռ համբերությամբ կսպասեն, մինչև մեր երկիրը կառուցվի. «Բոլորն էլ այս կարծիքին են, Սփյուռքի հայությունը՝ առավել ևս: Այսօրվա կառավարությունը շատ ուժեղ է, տեղի ունեցող միտինգները սուտ միտինգներ են և փուչիկի նման տրաքելու են: Համոզված եմ՝ այս ակցիաներն ուղղորդված են, բայց թող չփորձեն հեղափոխության «կողքով անցնել», այս հեղափոխությունը պետք է փայփայենք»:
Մեր զրուցակցի դիտարկմամբ՝ թեև կառավարությունում կադրերի հետ կապված խնդիրներ կան, բայց կարևորն այն է, որ նախկին իշխանություններից ազատվել ենք: «Ամենաբարդն այն է, որ միջին օղակներում նախկին կեղեքողների ծանոթ-բարեկամներն են»:
Սամսոն Խաչատրյանի խոսքով՝ թավշյա հեղափոխությանը հաջորդած հետհեղափոխական շրջանը ոզնու նման է. «Պետք է շատ զգույշ մոտենալ: Ես համոզված եմ, որ ամեն ինչ լավ է լինելու»:
Մանրամասն՝ տեսանյութում:
