Ֆլորիդայի համալսարանի գյուղատնտեսական հետազոտությունների կենտրոնի փորձագետները ստեղծել են ելակ հավաքող հատուկ ռոբոտ։ Ինչպես հաղորդում է WDBO հեռուստատեսությունը, Berry անունով ինքնագնաց մեքենան աշխատում է դիզելային շարժիչով:
Այն հագեցված է բարձրորակ տեսախցիկներով` սաղարթների մեջ հատապտուղներ որոնելու և ճանաչելու համար, համակարգիչներ և փափուկ պլաստիկից պատրաստված 16 «հավաքորդներ», որոնք հատապտուղները պոկում ու տեղափոխում են բունկեր: Ռոբոտը կարող է միանգամից ութ մարգից հատապտուղ հավաքել:
Մարտկոցով աշխատող Thorvald անունով մեկ այլ ռոբոտ ստեղծվել է ուլտրամանուշակագույն ճառագայթով ելակի մարգերը մշակելու և հիվանդությունների դեմ պայքարելու համար: Նախկինում այս ռոբոտները փորձարկվել են Արևմտյան Վիրջինիայի նահանգի ջերմոցներում, այժմ դրանք առաջին անգամ փորձարկվում են մեծ ագարակում:
Այս ռոբոտների մշակման համար ԱՄՆ գիտական ազգային հիմնադրամը 2016 թվականին հատկացրել է 1 մլն դոլար դրամաշնորհ:
https://www.youtube.com/watch?v=2y_-P0o43Hs
