Կալիֆոռնիայի դատարանը որոշել է, որ դպրոցի վարչակազմը, որը մեքսիկական Սինկո դե Մայո ազգային տոնի ժամանակ արգելել էր հագնել ամերիկյան դրոշով մարզաշապիկներ, չի խախտել աշակերտների սահմանադրական իրավունքը: Այս մասին հայտնում է CNN-ը:
Դատարանը նշել է, որ դպրոցի վարչակազմը դիմել է նման գործողությունների ռասայական տարաձայնություններից խուսափելու համար:
2010թ. մայիսի 5-ին կալիֆոռնիական դպրոցում ոտնահարվել էր աշակերտների խոսքի ազատության իրավունքը, երբ միջնակարգ դպրոցի աշխատակից Միգել Ռոդրիգեսը նրանց ստիպել էր շրջել ԱՄՆ դրոշով մարզաշապիկները կամ հանել դրանք: Աշակերտները նման գործողությունները համարել էին անօրինական:
