Սասեքսի դքսուհի Մեգան Մարքլը կրկին խախտել է բրիտանական ավանդույթները։ Նա ապագայի երեխայի համար դայակ է փնտրում ԱՄՆ-ում։ Հնարավոր է՝ դայակն անգամ տղամարդ կլինի, գրում է Mirror-ը։
Ապագա դայակը կապրի Սասեքսի դքսի նստավայրում և տարեկան առնվազն 70 հազար ֆունտ սթեռլինգ կստանա՝ կախված որակավորումից։ Յուրաքանչյուր թեկնածու հարցազրույց կանցնի Մեգան Մարքլի և նրա ամուսնու՝ արքայազն Հարիի հետ։
Ամերիկացի դայակը հերթական անգամ կխախտի բրիտանական ավանդույթները։ Փոքրիկ արքայազններին և արքայադուստրերին վաղուց ի վեր դաստիարակում են 1892-ին հիմնված Նորլանդ քոլեջ ուսումնական հաստատության շրջանավարտները։
Քոլեջի շրջանավարտներից Մարիա Թերեզա Թերիոն Բորալոն զբաղվում է արքայազն Ուիլյամի և Քեյթ Միդլթոնի երեխաների դաստիարակությամբ։