Հայտնի դերասան Ջեյսոն Մոմոան, որը «Գահերի խաղում» մարմնավորել է Կհալ Դրոգոյին և որը խոստովանել է, թե որքան է անհանգստացել Էմիլիա Քլարկի վիրահատությունից հետո, ցնցել է երկրպագուներին՝ փոխելով իմիջը: Յոթ տարվա ընթացքում առաջին անգամ Ջեյսոն Մոմոան սափրել է մորուքը:
Իհարկե, դերասանն իմիջը փոխել է ոչ հենց այնպես, այլ պլաստիկով շրջակա միջավայրի աղտոտման խնդիրների վրա ուշադրություն հրավիրելու համար:
«Մնաս բարով Դրոգո, մնաս բարով Ակվամեն: Ես սափրում եմ այս գազանին, քանի որ պետք է ինչ-որ բան փոխել: Փոփոխություններ դեպի լավը հանուն իմ երեխաների, ձեր երեխաների, ողջ աշխարհի: Եկեք դրական փոփոխություններ անենք մեր մոլորակի առողջացման համար: Եկեք մաքրենք մեր օվկիանոսները, մեր հողը: Միացեք ինձ այդ հարցում: Եկեք ազատվենք պլաստիկից»,- ասվում է տեսանյութում, որտեղ Մոմոան սափրում է մորուքը և կեցվածք ընդունում առանց դրա:
Մոմոայի երկրպագուները սատարել են նրա գաղափարին, ինչպես նաև խոստովանել, որ առանց մորուքի աստղը շատ տպավորիչ տեսք ունի: