Լրագրողներն ու բլոգերները, որոնք փորձարկել են Samsung Galaxy Fold ծալովի սմարթֆոնները, սոցցանցերում դժգոհել են, որ դրանք սկսել են շարքից դուրս գալ օգտագործման առաջին իսկ օրվանից: Quartz պարբերականի մեկնաբան Մայք Մերֆին այդ մասին գրել է Twitter-ում և նշել իր գործընկերների հրապարակումները, որոնց հետ նույնն է տեղի ունեցել:
Մարկ Գուրմանը Bloomberg-ից հայտնել է, որ պաշտպանիչ շերտի հեռացնելուց հետո էկրանի ծալքի հատվածում ճեղք է գոյացել: Նրա խոսքերով, իր երկու գործընկերների մոտ նույն պատկերն է եղել առանց պաշտպանիչ շերտի հեռացման: «Այժմ էկրանն ամբողջությամբ մեռած է թվում»,- փաստել է նա մեկ ժամ հետո և հրապարակմանը կցել սմարթֆոնի լուսանկարը:
CNBC-ի լրագրողներ Սթիվ Կովաչի և Թոդ Հեսելթոնի մոտ դադարել է աշխատել էկրանի կեսը, առաջինի մոտ փորձարկման մեկնարկի հաջորդ օրը, երկրորդի մոտ՝ երկու օր անց:
Բլոգեր Մարկես Բրաունլին նույնպես հեռացրել է էկրանի պաշտպանիչ շերտը, ինչից հետո այն սևացել է: Twitter-ում նա իր ընթարցողներին զգուշացրել է, որ շերտը պաշտպանիչ է թվում, բայց այն հեռացնել չի կարելի:
Samsung-ում հայտարարել են, որ տեղյակ են խնդիրներից և իրենց սեփական հետաքննությունն են իրականացնում: Ընկերությունում նաև նշել են, որ այն տեղեկատվությունը, որ սմարթֆոնի էկրանի արտաքին շերտը չի կարելի հեռացնել, նշված է հրահանգում. «Galaxy Fold-ի հիմնական էկրանը ներառում է վերին պաշտպանիչ շերտը, որն էկրանի կառուցվածքային բաղադրիչ է և նախատեսված է այն պատահական քերծվածքներից պաշտպանելու համար: Էկրանի վնասվածքներից խուսափելու համար մենք խորհուրդ չենք տալիս հեռացնել պաշտպանիչ շերտը, ինչպես նաև էկրանին թաղանթ կամ պիտակ ամրացնել»:
Ծալովի Galaxy Fold սմարթֆոնի հիմնական էկրանն ունի 4.6 դյույմ անկյունագիծ և 860 պիքսելով 1960 թույլտվություն, իսկ բացվելու դեպքում՝ 7.3 դյույմանոց էկրան և 1536 պիքսելով 2152 թույլտվություն: Պլանշետի ռեժիմում այն կարող է միաժամանակ աշխատել երեք հավելվածով: Սմարթֆոնի վաճառքը կսկսվի 2019-ի ապրիլի վերջին, 1980 դոլարով:
It has gotten progressively worse. Here’s the latest, photo taken now. One photo is from last night. Other photo is earlier this morning. pic.twitter.com/qzmlM0a3pL
— Mark Gurman (@markgurman) April 17, 2019
https://twitter.com/stevekovach/status/1118571414934753280?ref_src=twsrc%5Etfw%7Ctwcamp%5Etweetembed%7Ctwterm%5E1118571414934753280&ref_url=https%3A%2F%2Flenta.ru%2Fnews%2F2019%2F04%2F17%2Fgalaxy%2F