Լուրեր
Երևանի քաղաքապետարանը աղբահանման իրավիճակը հասցրել է ճգնաժամի՝ հեռուն գնացող նպատակներով. Խաժակյան
  • 13:22
  • 2019-04-18
  • Դիտումներ՝ *

Հրատապության ռեժիմով երեկ Երևանի ավագանու «Լույս» խմբակցության անդամներին ուղարկվել է նախագիծ, որ ապրիլի 23-ին կայացվող նիստում քաղաքապետարանը պետք է ստեղծի համայնքային կազմակերպություն՝ ըստ էության՝ աղբահանության երկրորդ օպերատոր, այսօր կառավարության դիմաց լրագրողներին ասաց Երևանի ավագանու «Լույս» խմբակցության ղեկավար Դավիթ Խաժակյանը։

«Նախորդ տարվանից խոսվում է երկրորդ օպերատորի մասին, և երեկ մենք իմանում ենք, որ այս նախագիծը մտնում է կառավարության նիստի օրակարգ։ Մեզ ծանուցում են, որ հրատապության ռեժիմով, առանց հանձնաժողովներում քննարկելու օրակարգ է մտնում այդ կազմակերպությունը ստեղծելու հարցը։ Եվ ով զարմանք, երբ ես հայտարարում եմ, որ այսօր հայտարարություն ունեմ անելու, գիշերը՝ 00։30 քաղաքապետի մամուլի խոսնակն արդեն ներկայացնում է իրենց ծրագիրը։ Ես ոչ թե կառավարությանը կոչ եմ անում չքվեարկել այս որոշման օգտին, թող իրենք որոշեն, բայց այն, որ այս գործընթացն անօրինական է, սա փաստ է», – հայտարարեց Դավիթ Խաժակյանը։

  • Դիտումներ՝ *