Շուտով կլինի մեկ տարի, ինչ Հայաստանը նոր մարդիկ են ղեկավարում: «Քիչ ժամանակ է անցել, և նոր իշխանության գործունեության գնահատականը չի լինի սպառիչ և օբյեկտիվ, սակայն ակնհայտ է, որ էական փոփոխություններ են տեղի ունեցել, և դրանց կարելի է տալ միայն դրական գնահատական»,- «Առաջին լրատվական»-ի հետ զրույցում այս մասին ասաց Միավորված աշխատանքային կուսակցության նախագահ Գուրգեն Արսենյանը՝ հավելելով, որ այդ փոփոխությունները վերաբերում են մեր կյանքի նպատակներին: «Իշխանությունն ալևս չի հանդիսանում սեփականությունը յուրացնելու գործիք»,- ընդգծեց Գ. Արսենյանը:
Միավորված աշխատանքային կուսակցության նախագահի դիտարկմամբ՝ կա երկու տեսակ ընդդիմություն. «Բնական ընդդիմություն, որը հակակշռում է, որպեսզի իշխանությունը «չհաբռգի», և կա ընդդիմության մի փոքր հատված, որի գործունեությունը «տոքսիկ» է, և նրա գործունեության նպատակը հասարակությանը թունավորելն է՝ հոգեկան թունավորում, մտավոր թունավորում և այլն:
Նրանցից ոչ բոլորն են, որ նախկին համակարգի հենասյուներից են և իրենց ունեցած հնարավորությունները կորցնելուց հետո հիմա զբաղվում են հասարակությանը թունավորելով»: Գ. Արսենյանի խոսքով՝ այդ գործունեության դեմ կա «հակաթույն». «Հակաթույնն այն է, որ ամեն մարդ պետք է ինքն իր համար որոշի, թե ինքն ինչպես է սիրում իր հայրենիքը: «Տոքսիկները» Հայաստանը չեն սիրում, նրանք քիչ են, բայց նրանց արտադրած թույնը վարակիչ է, և հասարակությունը պետք է պայքարի դրա դեմ, որ չթունավորվի»:
Մանրամասն՝ տեսանյութում: