Սերբիան սկսել է ռուսական բնական գազը Եվրոպա տեղափոխող Թուրքիայի հոսքագծի հատվածի շինարարությունը: Այդ մասին չորեքշաբթի՝ ապրիլի 17-ին, հայտարարել է երկրի արտգործնախարար Իվիցա Դաչիչը՝ հաղորդում է Anadolu գործակալությունը:
Մոսկվայում կայացած մամլո ասուլիսում, որը տեղի է ունեցել Ռուսաստանի արտգործնախարար Սերգեյ Լավրովի հետ հանդիպումից հետո, Դաչիչը նշել է, որ Սերբիայի գազամուղը կառուցելու մտադրությունը կախված չէ Բուլղարիայի կողմից իր բաժին հատվածը կառուցելու առաջընթացից:
TurkStream-ը ռուսական գազը կմատակարարի Սև ծովի հատակով անցնող խողովակաշարով՝ շրջանցելով Ուկրաինան, անցնելով Բուլղարիայի, Սերբիայի և Հունգարիայի տարածքով: