Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Այսօրվա քննարկումը ինձ մոտ դեժավյու է առաջացնում. ուղիղ 1 տարի առաջ էլ այս ամբիոնից Դավիթ Հարությունն էր հայտարարում՝ դե, մենք մեծամասնություն ենք, կառավարությունը գիտի ինչ է անում, դուք գործ չունեք: Հիմա նույն բառերն ասում է Արտակ Զեյնալյանը, հետո կրկնում Վահագն Հովակիմյանը»,- հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը:
Պատգամավորն ընդգծեց՝ միակ ընտրված մարմինը Ազգային ժողովն է, և նա է որոշողը. «Դրա համար եք դուք եկել ԱԺ՝ ներկայացնելու նախագիծը: Պարոն Զեյնալյան, դուք պարտավոր եք քննարկել մեր առաջարկները և պարտավոր եք հիմնավորել, թե որ կետին ինչի համար եք դեմ»:
Գևորգ Գորգիսյանի խոսքով՝ նախագծում բացակայում է կարևորագույն բաղադրիչը, այն է՝ կարիքների և ազդեցության գնահատականը. «Գործելու է կոլեկտիվ անպատասխանատվությունը, վաղը որևէ մեկից մենք չենք կարողանալու պահանջել»:
Մանրամասները՝ տեսանյութում:
