Ազգային ժողովում տրանսգենդերի ելույթի հետ կապված միջադեպից հետո սրվեցին հարաբերությունները «Բարգավաճ Հայաստան» խմբակցության և «Իմ քայլը» խմբակցության հարաբերությունները։ Հնչեցին մեղադրանքներ քաղաքական պրովոկացիայի մասին, ի՞նչ հնարավոր զարգացումներ կունենա այս ամենը «Առաջին լրատվական»-ի հարցին քաղաքագետ Արթուր Մարտիրոսյանը պատասխանեց․ «Մենք չունենք դասական ընդդիմություն։ Սա առաջին դեպքն էր, որ տեսանք՝ կան արժեքային տարբերություններ։ Մինչ այդ ես չեմ տեսել, որ նրանք ունենան գաղափարախոսական և ծրագրային տարբերություններ։ Եթե ունեն էլ, ապա ես չեմ տեսել։ Այս հարցում կարող է պառակտում մտնել նրանց մեջ, և ԲՀԿ-ն հանդես գա որպես դասական ընդդիմություն։ Դասական ասելով նկատի ունեմ, որ պետք է արժեքները տարբերվեն։ Մինչ այսօր թվում էր, որ չկա այդպիսի տարբերություն։ Ավելի լավ կլիներ, որ դրանք ծրագրային լինեին՝ նաև այդ հարցի շուրջ, բայց ընտրությունների ժամանակ այդ հարցն ընդհանրապես չշոշափվեց»։
«Եթե դու չես ընդունում որևէ իզմ, դա նշանակում է, որ դու գոնե մի իզմը ընդունում ես՝ պոպուլիզմը, որովհետև դու չես կարող հստակ դիրքեր զբաղեցնել։ Բոլորն ուզում են, որ Հայաստանը հստակեցնի իր ուղղությունը՝ ուշ թե շուտ իշխանությունը պետք է կողմնորոշվի, որպեսզի կարողանա տալ բոլոր հարցերի պատասխանը»,- հավելեց քաղաքագետը։
Մանրամասները՝ տեսանյութում։