Anonymous հաքերների և ակտիվիստների միջազգային անանուն ցանցը դիմել է Մեծ Բրիտանիայի իշխանություններին և «նրանց համակիրներին ամբողջ աշխարհում»՝ Լոնդոնում WikiLeaks-ի հիմնադիր Ջուլիան Ասանժի ձերբակալության կապակցությամբ: Ցանցի հայտարարությունը հրապարակվել է annonews կայքում:
Ցանցի ներկայացուցիչների խոսքերով, Ասանժի ձերբակալությունն ապացուցում է, որ բրիտանական իշխանությունները «ոչնչի առաջ կանգ չեն առնի» իրենց գաղտնիքները պահելու համար: Նրանք շեշտել են, որ Ասանժը 2010 թվականից ի վեր ամեն տարի Նոբելյան Խաղաղության մրցանակի է առաջադրվել, քանի որ նա «բացահայտել է և՛ աջերի, և՛ ձախերի գաղտնիքները», ինչպես նաև «ռազմական հանցագործությունները»:
«Սա նախազգուշացում է իշխող համակարգին. ազատ արձակեք Ասանժին կամ պատասխան կտաք»,- ասվում է Anonymous-ի հայտարարությունում:
Ցանցի ներկայացուցիչները նաև շեշտել են, որ այժմ նրանք պետք է համախմբվեն:
Ավելի վաղ հաղորդվել էր, որ Ավստրալիան հրաժարվել է Ասանժին «հատուկ» օգնություն տրամադրել:
